About

ಹೆಸ್ರು ಸುಖೇಶ್. ಫ್ರೆಂಡ್ಸು ಸಾಧಾರಣವಾಗಿ ಈ ಹೆಸ್ರು use ಮಾಡಲ್ಲ. ಬದ್ಲಾಗಿ ಚಂದ ಚಂದ (?) ಇರೋ ಸಾವಿರ ಹೆಸರಿಂದ ಕರೀತಾರೆ. ನೀವು ಬೇಕಾದ್ರೆ ಸುಖಿ (? !) ಅಂತ ಕರೀರಿ. ಇಲ್ಲ ಸುಖೇಶ್ ಅಂದ್ರೂ ನಡಿಯುತ್ತೆ. ನೀವು ಇನ್ನೂ creative ಆಗಿದ್ರೆ ಬೇರೆ ಯಾವ್ದಾದ್ರು ಚಂದದ ಹೆಸರು ಇಟ್ಟರೂ ok

ನಾನೂ ಬೆಂಗಳೂರಲ್ಲಿ ಇರೋ ಸಾವ್ರಾರು ಟೆಕ್ಕಿಗಳಲ್ಲಿ ಒಬ್ಬ. ದಿನಾ ಬೆಳಿಗ್ಗೆ ಎದ್ದು ಆಫೀಸಿಗೆ ಹೋಗೋದು, ಟೀ ಕಾಫಿ ಕುಡೀತ ಟೈಂಪಾಸ್ ಮಾಡೋದು, ಮತ್ತೆ ಮನಸು ಬಂದಾಗ ಸಕ್ಕತ್ತಾದ (?) ಒಂದೆರಡು ಲೈನ್ ಪ್ರೋಗ್ರಾಮು ಬರೆಯೋದು, ಅಗತ್ಯ ಬಂದಾಗ software fault ಗಳನ್ನ fix ಮಾಡೋದು ಇಂತವುಗಳ ಮದ್ಯಾನೆ ಜೀವನ ಕಳೆಯೋನು. ಹಂಗಂತ ಈ ಲೈಫ್ ಸ್ಟೈಲ್ ಬಗ್ಗೆ ಏನೂ ಬೇಜಾರಿಲ್ಲ.

ಮೊದಲ್ನಿಂದ ನಾನು ಒಂತರ ಪುಸ್ತಕದ ಹುಳು ಅಂತಾರಲ್ಲ, ಹಾಗೆ. ಇರೋ ಬರೋ ಪುಸ್ತಕಗಳನ್ನೆಲ್ಲ ಅರ್ಥ ಆಗುತ್ತೋ ಇಲ್ವೋ ನೋಡದೆಲೆ ಓದೋ ಜಾತಿ. ತೇಜಸ್ವಿ, ಕಾರಂತ, ಭೈರಪ್ಪ, ಕಾಯ್ಕಿಣಿ ಇವರೆಲ್ಲ ಚಿಕ್ಕ ವಯಸ್ನಲ್ಲೇ ಪುಸ್ತಕಗಳ ಮುಖಾಂತರ ಪರಿಚಯ ಅದ್ರು. ಯಾರು ಎಷ್ಟು ಅರ್ಥ ಆಗಿದಾರೆ ಅನ್ನೋದು ದೇವರೇ ಬಲ್ಲ.

ಓದೋದರ ಜೊತೆ ಹಾಡುಗಳನ್ನ ಕೇಳೋ ಹುಚ್ಚೂ ಇದೆ. ರಾಕ್ ಮ್ಯೂಸಿಕ್ ಅಂದ್ರೆ ಸ್ವಲ್ಪ ಅತಿ ಅನ್ನಿಸುವಷ್ಟು ಇಷ್ಟ. ಜೊತೆಗೆ ಭಾವಗೀತೆಗಳು, ಸಿನಿಮ ಹಾಡುಗಳು, ಆಗಾಗ ಹಿಂದೂಸ್ತಾನಿ ಎಲ್ಲ ಕೇಳ್ತಾ ಇರ್ತೀನಿ. ಪೋಸು ಕೊಡೋಕೆ ಅಂತ ಒಂದು ಗಿಟಾರ್ ಬೇರೆ ಇಟ್ಕೊಂಡಿರೋದ್ರಿಂದ ಆಗಾಗ ಪಕ್ಕದ ಮನೆಯವರ ಹತ್ರ ಬೈಸ್ಕೊಳ್ತಾನೂ ಇರ್ತೀನಿ

ಇದು ನಂದೇ ಬ್ಲಾಗು (ನಾನು, ನಂದು ಅನ್ನೋದನ್ನ ಬಿಡ್ಬೇಕಂತೆ. ಸಧ್ಯಕ್ಕೆ ನನ್ ಕೈಲಿ ಬಿಡೋಕೆ ಆಗ್ತಿಲ್ಲ). ಎರಡು ಮೂರು ಸಲ ಬರೆಯೋಕೆ ಶುರು ಮಾಡಿ ಬೇಡ ಅಂತ ಬಿಟ್ಟವನು ಕೊನೆಗೆ ಬ್ಲಾಗ್ ಲೋಕ ನೋಡಿದ ಮೇಲೆ ಬರೆಯೋದು ಬೇಡವೇ ಬೇಡ, ಟೈಪ್ ಮಾಡೋದೇ ಸರಿ ಅಂತ ಇಂತದ್ದೊಂದು ಕೆಲಸಕ್ಕೆ ಇಳ್ದಿದೀನಿ. ಇಲ್ಲಿ ನನ್ನ ಹಳೆಯ, ಹೊಸದಾದ ಕೆಲವು ಬರಹಗಳನ್ನ publish ಮಾಡೋ scheme ಇದೆ. ನೀವು ದಯವಿಟ್ಟು ನಿಮ್ಮ ಪ್ರೋತ್ಸಾಹವನ್ನೂ, ಕಾಮೆಂಟುಗಳನ್ನು ಕೊಡಬೇಕು.

ಪ್ರೀತಿಯಿಂದ
ಸುಖಿ